المحامي أحمد مهران يكشف تفاصيل جديدة في قضية مروة يسري المعروفة ببنت مبارك
كشف المحامي أحمد مهران عن تفاصيل جديدة في قضية خروة يسري المعروفة ببنت مبارك ووجه رسالة لبعض الإعلامين والمذيعين وكل من يقومون بترويج الشائعات وقال "
أنا أحمد مهران وبقولها بصوت واضح أنا حضرت التحقيقات مع مروة يسري المعروفة بـ”مروة بنت مبارك”، في نيابة المنتزه أول بالإسكندرية، وبحضور الأستاذة هنادي حسان، المحامية الكبيرة، المعروفة، واللي موجودة في الصورة معايا، وهي حية ترزق وربنا يديها الصحة وطولة العمر.
وأضاف " اللي مش مصدق، يروح يسألها و لو كلامي فيه حرف مش صح، كانت طلعت وقالت: “أحمد مهران بيكدب، ومحضرش معايا” ،،، لكنها ما قالتش، ومش هتقول.. لإن اللي حصل، حصل قدامها، وهي عارفة الحقيقة.
وأضاف " لما مروة طلبت حضوري، الأستاذة هنادي قالتلي: “اتفضل يا أستاذ أحمد، اقعد وأحضر معانا التحقيق” ،، وده حصل بطلب مباشر من مروة نفسها ، وبناء على رغبة الاستاذة المحامية المحترمة / هنادي حسان ،، وهي علي قيد الحياة ترزق أرجعوا لها ولو كلامي مش حقيقي تطلع في فيديو تكدبني ،، والأستاذة هنادي هي المحامية اللي حضرت معاها التحقيق اول ما تم القبض عليها وعندها كل التفاصيل ".
ووضح " أثناء التحقيق سمعنا مروة وهي بتحكي عن واقعة خطف الطفل “محمد خالد”، وعن تجارة الأعضاء ،وأن عندها معلومات بكل تفاصيل القضية ،، لكن لما النيابة سألتها: فين الدليل؟ ماكانش عندها حاجة! غير معلومات وبس وأقسم بالله أنا متأكد أن مروة صادقة وكلامها كله حقيقي وده سبب تعاطفي معاها وسبب إني واقفت أحضر معاها التحقيق،، بس للأسف الدليل هلك ، يمكن يكون اتسرق منها بفعل فاعل ويمكن يكون في ناس هي المسئولة عن سرقة حسابها على تيك توك وضياع الأدلة اللي كانت محتفظه بيها
وكل ده حصل زي ما بحكى لحضراتكم كده قدّام الأستاذة هنادي شخصياً ،، فلو في كلمة من اللي قلتها مش صحيحة، أهي الأستاذة هنادي عايشة، وموجودة، وناس كتير يعرفوها.. تقدر تطلع وتقول: “أحمد مهران ماكانش موجود – أو – مروة كانت معاها مستندات أو أدلة ” لو ده حصل فعلًا و أنا مش برد عشان خايف، ولا عشان ببرر، أنا برد عشان الناس تعرف الحقيقة، وأي حد عنده شك.. يسأل الأستاذة هنادي مباشرة ،، وأهو ردي دا آخر رد، واللي عنده حاجة يقولها.. يجيب دليل ودا مش كلام في الهوا، ومن الاخر كده لو في حد في مصر كلها عنده كلام تاني بالدليل يطلع يقول بس في وجود الاستاذة هنادي حسان لانها هي محامية مروة اللي كانت بتحضر معاها من اول يوم بالتنسيق مع الاستاذ / طه الزقلاوي المحامي بالنقض والموكل رسميا من مروة ،، أما بالنسبة للأخ عبده مشتاق : الناس عارفه مين هو احمد مهران وعارفين اني لا بخاف ولا حد يقدر يخوفني ،، وبالتالي مش محتاج اقول غير الحقيقة ،، أما أنت … أخرك تتكلم عليا وتطلع بيانات وترمي كلام يمين وشمال يمكن حد يشوفك أو يعرفك
والنهاية أنا مصدق مروة ومتعاطف معاها جداً ،، ومستعد للانضمام لهيئة الدفع للوقوف معاها والدفاع وقت ما يطلبوني أنا معاهم وتحت امر ،، مروة ".