• الرئيسية
• السوشيال

في كلمات بسيطة دكتور جمال شعبان يبدع في وصف البروفسير مجدي يعقوب

نشر دكتور جمال شعبان عبر حسابه الشخصي علي صفحته الشخصية كلمات يعبر فيها عن جمال انسانية دكتور مجدي يعقوب

الراجل اللي في الصورة دي

اللي في التسعين من عمره

اللى ماشى متعكز على عصاية

الراجل اللي في الصورة دي

امبارح فى جو صيفي خانق الحرارة

، كان عامل الفعاليات دى

مش لمجد شخصي

ولا علشان يكوش فلوس لنفسه

لكن علشان يجمع من نجوم

العمل العام والسياسى

والاقتصادى والفنى تبرعات

يكمل بها إنجاز مستشفى القلب الجديد

وعشان يمول مركز أبحاث القلب المصرى

الراجل اللي في الصورة دي

حاطط في قلبه وعقله مستقبل شباب مصر من الاطباء والباحثين اللى دربهم ..

عايز يسخر علمهم لخدمة قلوب بسطاء مصر ولخدمة العلم والإنسانية

الراجل اللي في الصورة دي

بيعمل المركز دا

عشان يعالج اطفال مصر بالمجان .. وبيعمل ده لكل المصريين

بلا استثناءات ولا تفرقة دينية ومذهبية ولا خلفيات

الراجل اللي في الصورة دي

لو كل واحد فى مكان مهم يقدر منه يخدم ويحب مصر وناسها زي حب الراجل دا

باخلاص وتفانى وفكر الراجل دا..

أكيد هنروح بمصر لحتة تانية خالص .. ربنا يديه الصحة ويحفظه لمصر واطفالها ..

الراجل اللي في الصورة دي

صورته دى عظيمة لأبعد حد

وأعتقد إن اسمه محفور في قلب كل مصري

واسمه كان المفروض يبقي مصري يعقوب مش مجدي يعقوب

لكن اسمه مجدى

برضه هو مجد مصر

وفخر مصر والإنسانية

#ملك_القلوب

#مصر_فيها_ناس_حلوة

#ما_تزعلوش